outbrain
Sports

BABANGON SI FOLAYANG

By: - 05/14/2018

KALAHATING taon na nang huling sumampa sa octagon ring ang mixed martial artist na si Eduard Folayang at walang kasing sakit ang resulta ng labang iyon.

Pinatulog ni Martin Nguyen si Folayang sa second round ng kanilang ONE: Legends of the World lightweight title match sa pamamagitan ng rumaragasang counter right hand hook sa panga.

Tumahimik ang buong Mall of Asia Arena at waring nagluksa ang mga Pinoy supporters sa pagbagsak ng kanilang bayani. Naagaw ng Australian fighter ang lightweight belt mula sa pambato ng Team Lakay isang araw bago sana ang unang anibersaryo nito sa nasabing weight division.

Masakit para sa 34-anyos na tubong Baguio City na malasap ang pinakamapait na kabiguan sa kanyang 11 taong karera bilang mixed martial artist.

“Inalala ko muna kung ano yung nangyari kasi siyempre na-unconscious ako and then of course I reflected kung ano yung mga pagkakamali ko in the past, ano yung areas na nagkamali ako,” sabi ni Folayang sa INQUIRER LIBRE.

Pero ang pagkatalong iyon din ang nagbigay sa kanya ng aral na mas pagbutihin pa ang pinasok na larangan at nagpatibay sa kanya bilang isang atleta.

“Sa mixed martial arts talagang anything happens na you aren’t expecting and siguro dun ako kumukuha ng inspiration para mag move forward kasi hindi mo na maibabalik kasi tapos na,” dagdag pa nito.

“Well I need to mag-focus pang lalo. Kailangan talagang i-expect yung mga posibleng mangyayari to make you a better person, ” pahayag pa ng dating high school teacher sa Mountain Province bago muling maging full-time MMA fighter.

ROAD TO REDEMPTION

Mahaba-haba ang ipinahinga ni Folayang. Natanggap na niya ang mga hindi magandang nangyari sa nakaraan at napagnilayan na ang mga susunod na hakbang.

Ngayon, handa na siyang muli na suungin ang panibagong digmaaan.

Haharapin ng tinaguriang “The Landslide” (18-4, 6 knockouts) ang undefeated Russian na si Kharun “Predator” Atlangeriev (11-0, 5 knockouts) sa lightweight bout ng ONE: Unstoppable Dreams sa Biyernes, Mayo 18 sa Singapore Indoor Stadium.

Puspusan ang paghahanda ni Folayang na siyam na taon ang tanda kay Atlangriev para patunayang kaya niyang maging kampeon ulit.

“Mas pinipino ko pa yung areas na kulang namin like sa striking yung mga areas na hindi maganda, kung paano maeexecute ng maayos,” aniya.

Gagamiting hakbang din ito ni Folayang hindi lang upang patunayang isa pa rin siya sa mga pinakamagagaling na lightweights sa mundo kundi bilang paghahanda na rin sakaling magkaroon ng rematch kay Nguyen.

“The best thing to do is to keep on improving para kapag nagkaroon ng opportunity na magka rematch then I think I can be better,” dagdag pa ng wushu expert na nagwagi na ng mga medalya para sa Pilipinas sa 2002 Asian Games (bronze), 2005 World Wushu Championships (bronze), 2006 Asian Games (silver) at 2011 Southeast Asian Games (gold).

TUNAY NA MANDIRIGMA

Maraming giyera nang naranasan si Folayang simula maging professional fighter noong 2007. Ang mga sugat ang humubog sa kanya para manatiling matatag sa kahit anong hamon habang ang bawat pagwawagi ay bunga ng mga pagpupunyagi.

Dahil sa kanya, nakilala ang Team Lakay at umusbong ang interes ng mga kabataang umiidolo sa kanya na pasukin ang mundo ng MMA. Nabigyan ng pagkakataon ang Filipino fighters na ipamalas ang husay sa sport na ito sa ibayong dagat.

Si Folayang rin ang nagsisilbing kuya sa Team Lakay kaya naman siya rin ang pinagkukunan ng inspirasyon ng mga nakababatang kasamahan sa grupo.

“Siguro the best lesson for them to learn is kung paano nila isinasabuhay yung sinasabi nila, yang mga yan naman are very well-educated so the best talaga yung live mo yung values mo as martial artist,” aniya

Buhos din ang kanyang suporta sa tuwing sasalang sa bakbakan ang kanyang mga ‘kapatid’.

“Kapag may laban sila I help them sa kanilang preparations. I come to their practices and fights to show my support. Maliit na bagay pero pag ginagawa mo it means a lot to them.”

Galing man sa nakapanlulumong pagkatalo, nananatiling masaya si Folayang sa pakikipaglaban sa walong sulok ng ring. At alam niya na ang pagkakaroon ng puso sa laro ang mas magpapagaan ng biyahe tungo sa muling pag-abot sa tagumpay.

“Always be on your focus kasi kung hindi mo talaga isasapuso yung pagiging MMA fighter hindi mo mae-enjoy yung journey.”

Advertisement

What You Missed

ULTIMATE GUIDE

WATCH: ‘Bawal Lumabas’ ni Kim in na in, iba’t ibang cover nakaka-LSS

“SA classroom may  batas, bawal lumabas…” Wait, wala ka na bang ibang marinig kundi ang...

Japanese antiviral drug ‘Avigan’ susubukan sa 100 Pinoy COVID-19 patients

SUSUBUKAN ng Department of Health kung tatalab ang antiviral medication na Avigan sa 100 pasyente...

‘Dream now, travel later’: Baguio luminis, sumigla

LUMINIS, sumigla at tumahimik ang Baguio City. Matapos na mawala ang mga turista sa siyudad...

You can survive the ‘new normal’ environment

MALAKING tulong sa atin ang ‘Guidelines on workplace prevention and control of COVID-19’ na inisyu...

100 litro alcohol gawa ng UP napakinabangan na

Gumagawa ng alkohol ang University of the Philippines para mabawasan ang kakapusan ng suplay sa...

Mas maraming produkto ng local farmers bibilhin ng San Miguel Corp. habang lockdown

NALULUGI ang karamihan sa mga magsasaka sa Pilipinas dahil hindi nila naibebenta nang maayos ang...

TRY MO ‘TO: Viral food recipes mula sa sobrang sarap hanggang sa sobrang tipid

ISA sa problema ng ating mga nanay ang paulit-ulit na luto ng ulam o meryenda....

Artist recreates well-loved food into cute clay miniatures

From being a food lover to a polymer clay artist. Pagkain ang inspiration ni Scher...

Kakasa ka ba? Milk tea shop in Malaysia offers 5-liter milk tea challenge

HERE in the Philippines we take our milk tea seriously. From international brands to local...

Parking ticket pwedeng bayaran ng pagkain

IMAGINE: Nahuli ka dahil sa illegal parking, kaya matitikitan ka at kailangan magbayad on the...

OPM Hitmen reunite for a charity concert

MAGSASAMA ang tinaguriang OPM Hitmen na sina Rannie Raymundo, Richard Reynoso, Renz Verano at Chad...

Goodbye, iTunes

Inanunsyo ng Apple nitong Lunes na mawawala na ang iTunes para palitan ng tatlong tailored...

Libre Unbox Ep1: GV Symphony 3 PRO

Start the year right and party like it’s 2018 mga ka-Libre with this ultra cool,...

Handa ka na bang bumalik sa trabaho?

MAYO 16 magsisimula na ang ilang pagbabago sa lugar sa bansa dahil sa paglipat ng...

More senior citizens, PWDs find work opportunities

MORE and more senior citizens and persons with disabilities (PWDs) are finding equal work in...