GUMAWA ng paraan ang isang lalake na mabisita at mapasaya ang kaniyang misis na naka-bed rest sa isang ospital habang hinihintay ang pagsilang ng una nilang anak.
Dahil sa coronavirus pandemic, hindi pwedeng nasa tabi ng asawang si Shona Moeller si Robert Conlin kaya nag-set up ito sa grounds ng ospital sa Chicago na malapit sa bintana ng asawa ng table, complete with props, para dalhin ang ‘date night’ nila sa ospital.

Photo credits Bob Conlin/Facebook
Ginawa ito ni Robert para sa asawa para maiparamdam sa misis na “normal” pa rin ang kanilang relasyon sa kabila ng coronavirus disease.
Naging inspirasyon sa marami ang kanilang love story.
“Our story has gone viral across the globe. ABC, CBS, WGN, People, Daily Mail, Maffick Media, Now This, Yahoo, National ABC affiliates, Good Morning America, Good News Movement, K Love Radio, etc. Unbelievable.” post ni Conlin sa Facebook.

Photo credits Bob Conlin/Facebook
Kwento niya sa interview sa Good Morning America, palagi silang nadi-date ng asawa. Isang araw ay naisipan niyang sorpresahin ang misis na ituloy ang kanilang date kahit hindi sila magkalapit.
“We ask each other on dates all the time still and the first time I came to the hospital as a date night, I asked her the same thing, ‘Do you want to go on a dinner date with me?’ She thought we were just going to do it over FaceTime so when I showed up, she was really surprised.” aniya.
Balak nilang pangalanang Forest ang kanilang unang anak.