outbrain
Balita

180K lumikas kay ‘Ompong’, bilang ng mga nasawi inaalam na ng NDRRMC

By: - 09/15/2018

PINANGANGAMBAHANG umakyat pa ang bilang ng mga nasawi kung saan halos 180,000 ang nagsilikas dahil sa pananalasa ng bagyong “Ompong” sa iba-ibang bahagi ng Luzon. 

Sinabi ni Ricardo Jalad, executive ng National Disaster Risk Reduction and Management Council (NDRRM) na dalawang responder ang nasawi habang nagsasagawa ng rescue operation.

Uniulat ng National Police na nasawi sina Shaina Mae Pascua, 19, at Grace Ganabe, 45, sa landslide sa Baguio City, habang isang 9 hanggang 12-anyos na dalagita ang natagpuang patay sa ilog sa Pasig City.

Una dito, nasawi ang security guard na si Domingo Penaflor nang mabagsakan ng pader sa Caloocan City, Sabado ng umaga, at isang 8-buwang sanggol ang nalunod sa baha sa Pio Duran, Albay, noong Biyernes.

Di bababa sa dalawa ang naiulat na nasugatan sa Baguio at Itogon, Benguet; dalawa ang nasugatan sa ipo-ipo sa Marikina City; at may dalawa pang nawawala sa Itogon, ayon sa pulisya.

Umabot sa 179,730 katao ang naitalang nagsilikas sa Ilocos region, Cagayan Valley, Cordillera, Central Luzon, Metro Manila, Calabarzon, MIMAROPA, at Bicol, batay sa pinagtagni-tagning datos mula sa NDRRMC, tanggapan ng Office of Civil Defense sa mga rehiyon, provincial governments, at pulisya.

Sa Cagayan lamang ay 10,626 pamilya o 42,199 katao ang nagsilikas, ayon sa talang nilabas ng pamahalaang panlalawigan.

Nang sumalpok si “Ompong” sa Cagayan Sabado ng madaling-araw, nawalan ng kuryente at cellphone signal ang malaking bahagi ng probinsya, sabi ni Rogie Sending, tagapagsalita ng pamahalaang panlalawigan.

Dahil dito, hirap pa ang mga otoridad na kumalap ng impormasyon tungkol sa sinapit ng mga residente noong kasagsagan ng bagyo, aniya.

Pero ayon kay Sending, bago mawalan ng kuryente’t cellphone signal ay nakatanggap pa sila ng ulat na natuklap ang bubong ng isang evacuation center sa Brgy. Minanga, Aparri, kaya nagsiksikan ang mga tao sa barangay hall.

Lumaki pa ang tubig sa Pinacanawan River at Cagayan River, kaya muling inalerto ang mga residente sa pagbaha, aniya.

“Maraming evacuees kasi buong province ang lapad ng bagyo. Malakas ‘yung bagyong ‘Lawin’ dati pero itong si ‘Ompong,’ napakalapad, eto 12 oras na humahangin pa, eh ‘yung eye of the storm pa-Laoag na,” sabi ni Sending sa Bandera nang makapanayam Sabado ng tanghali. 

Advertisement

What You Missed

ULTIMATE GUIDE

WATCH: ‘Bawal Lumabas’ ni Kim in na in, iba’t ibang cover nakaka-LSS

“SA classroom may  batas, bawal lumabas…” Wait, wala ka na bang ibang marinig kundi ang...

Japanese antiviral drug ‘Avigan’ susubukan sa 100 Pinoy COVID-19 patients

SUSUBUKAN ng Department of Health kung tatalab ang antiviral medication na Avigan sa 100 pasyente...

‘Dream now, travel later’: Baguio luminis, sumigla

LUMINIS, sumigla at tumahimik ang Baguio City. Matapos na mawala ang mga turista sa siyudad...

You can survive the ‘new normal’ environment

MALAKING tulong sa atin ang ‘Guidelines on workplace prevention and control of COVID-19’ na inisyu...

100 litro alcohol gawa ng UP napakinabangan na

Gumagawa ng alkohol ang University of the Philippines para mabawasan ang kakapusan ng suplay sa...

Table for one? Social distancing hindi problema sa restaurant na ito

HINDI mo proproblemahin ang social distancing sa restaurant na ito sa Sweden dahil iisa lang...

Mas maraming produkto ng local farmers bibilhin ng San Miguel Corp. habang lockdown

NALULUGI ang karamihan sa mga magsasaka sa Pilipinas dahil hindi nila naibebenta nang maayos ang...

TRY MO ‘TO: Viral food recipes mula sa sobrang sarap hanggang sa sobrang tipid

ISA sa problema ng ating mga nanay ang paulit-ulit na luto ng ulam o meryenda....

Artist recreates well-loved food into cute clay miniatures

From being a food lover to a polymer clay artist. Pagkain ang inspiration ni Scher...

Kakasa ka ba? Milk tea shop in Malaysia offers 5-liter milk tea challenge

HERE in the Philippines we take our milk tea seriously. From international brands to local...

OPM Hitmen reunite for a charity concert

MAGSASAMA ang tinaguriang OPM Hitmen na sina Rannie Raymundo, Richard Reynoso, Renz Verano at Chad...

Goodbye, iTunes

Inanunsyo ng Apple nitong Lunes na mawawala na ang iTunes para palitan ng tatlong tailored...

Libre Unbox Ep1: GV Symphony 3 PRO

Start the year right and party like it’s 2018 mga ka-Libre with this ultra cool,...

Handa ka na bang bumalik sa trabaho?

MAYO 16 magsisimula na ang ilang pagbabago sa lugar sa bansa dahil sa paglipat ng...

More senior citizens, PWDs find work opportunities

MORE and more senior citizens and persons with disabilities (PWDs) are finding equal work in...